شوشان : قلّما نری منهج من مناهج الشعراء الشعبیین الذین بدآوا بتسلسل في مطلع واحد متصل بأبیات جلة و مرادفة تحت موضوع واحد کالرثاء او الفخر او المدیح و غیره من اقراضهم الشعرية .

بما نجد وحدة الموضوع باحتراف بعض الشعراء في هذا النمط من الشعر في الأبوية بما نستطيع أن نجعلها بإبداعات الشعرية نوعا ما.

*كأبيات الراحل الحاج زامل ابوفاخر بالتالي

*چِنِت بوّل فَزِع اَفزَع وَلبّي

*غوجي وَتبَعِ الصاحب وَلبّي

*یوم الضیج ما اَجفي ولبّي

*موتيِ یصیر وسهام المنیّه

*چِنِت بوّل فَزِع اَفزَع ورایاي

*تِرفرَف والفزع یتلی ورایاي

*الدهر بحیار ولّاني ورایاي

*ولا واحد شگفلي او نَقَر لیّه

*چنت بوّل فَزِع اَفزَع ونادي

*ابهِدِّ الناس ممشاها ونادي

*جمیع اجروحها طابت ونادي

*یطیب او یُورِم او یعثم علیه

*چنت بوّل فزع افزع وعنّا

*غوجي او حتی اِنّایم وعنّا

*لِمَن ، مرسول بعد اکتب وعنّا؟

*يراسلني السکن حدر الوطیه؟!

___

*چنت بوّل فزع افزع وناهم

*او علیهم ما غمض جفني وناهم

*المشو مو بس اُهُم راحو ؟وناهم

*مثلهم هم تضل داري خلیه

____

*چنت بوّل فزع افزع وجالب

*وحملِ احمولهم بیدي وجالب

*یاها المو کفو اخیاله وجالب

*علیها او گال انا ریس السریّه

_________________

يتبع بنماذج اُخَر من اشعار الراحل زامل ابوفاخر

في الحلقة الماضية قد ذكرنا ابيات عدة من الراحل *زامل ابوفاخر* الذي جاد بمطلع متسلسل في الابوذيات و اليكم بقية من مثلها ايضاً:

*البیهُم چنت اشد احزام وسراي

*جفوني او نارهُم بالگلب وسراي

*الچانولي شمع بالّیل وسراي

*طفو وظلَمّت الدنیا علیه

____

*البیهُم چنت اشد احزام ولعَب

*ولاضلِ الیشل افتوگ ولعَب

*ألو جیبي اترسه ذهب ولعَب

*اغلا افراگ ساعتهُم علیه

*البیهُم چنت اشد احزام ونهَم

*بعد ما شوف منهُم اَحد ونهَم

*بعدهُم تکثر الویعات ونهم

*او بعدهم یکثر اللایم علیّه

*البیهُم چنت اشد ابلیل ونهَب

*الیوم ابنارهُم اَلتهب ونهَب

*البیهُم چنت اخوفِ الزلم ونهَب

*مضایفهُم بُگت منهم خلیّه

*البیهم چنت ادگ ثایات وَلحَد

*کل واحد قفاله ابگبُر ولحد

*بعد بیمن اجیب الصاح ولحَد

*او بعد بیمن اَلاجي العال بیّه

___

*البیهُم چنت انام الّیل راحه

*او من عدهُم اَشمن عطر راحه

*منهُم ما اَشوفَن بعد راحه

*اندرو بچفانهُم حدر الوطیّه

یتبع

لقد مرّت علينا حلقتانِ و نرى في شعرِ الشاعر *زامل ابوفاخر* أشعاراً قد بدءَ بجملة واحدة متلسلة من كل الأبوذيات و اليكم نماذج اُخَر:

البیهُم چنت اَشدّ عزمي و لا ذل

کلهم رؤس ما بیهم ولاذل

شمس الموت غطتهم ولا ذدظل

حدر الگاع بالحود الوطیّه

البیهُم چنت اشد عزمي و لانزاع

ولا ذبن طرس راسي ولانزاع

الما یلزم رمح ببده ولانزاع

فلا ینهاب یوم الموزمیه

البیهُم چنت اشد عزمي ولا میل

و لا اَنطي من احدودي ولا میل

انا امن الضیج ما ضُوجن ولامیل

و لو درکالهُم یهجم علیه

البیهُم چنت اشد عزمي و لاجي

وَعَدّي ازماط هَم بیهُم ولاجي

ذاک الآَمّن ابحَدي ولاجي

صرت لاجي اِلَه او یومُر علیه

البیهُم چنت اشد عزمي وناحي

غفو حدر الاَرض کلهُم وناحي

هم ایعودهُم وکتي وناحي

ونام ابیالهُم نومه هنیّه؟!!!

البیهُم چنت اشد عزمي ولاوي

وَشِبّ نیرانها بیهُم ولاوي

اِختفو وصواتهم آخفَت ولاوي

غفو حدر الثری او آغفو علیه

البیهُم چنت اشد عزمي ولاچن

وَکَسرِ انیاب من کِسرن ولاچن

اِسگمت بالهیم لا ذروه ولاچن

افاعي و الوحش یفتر علیه

البیهُم چنت اشد عزمي ولاوي

اچفوف او سیف هم بیدي ولاوي

بعدهُم نار ما اَشعل ولاوي

اَسِد بابي ولو ینعاب بیّه

البیهُم چنت اشد عَزمي ولاخاف

او سیفي ما اضُمّنّه و لا خاف

وزني ما نُگَص منّه ولاخاف

او مَنّي ما نگص مِنّه وجیه

البیهُم چنت اشد عزمي وهمّه

او علیهم دَم دمع ابچي وهمّه

هُمّا هیبتي او عِزِّي و هُمّه

یوم الضیج همّا احزام لیه

البیهُم چنت اشد عزمي ولامُر

او بیهُم اَیرَع الحنظل ولامُر

بعدهُم ما اَطب حَیهُم ولامُر

اِیتراوالي منازلهم خلیّه

البیهُم چنت اشد عزمي وحیلي

منهُم ما بُگو ربعي وحیلي

کدیشه اخیالتي وسفه وحیلي

بعید او لا مِن الینقر علیه

البیهُم چنت اشد عزمي ولاوي

غفو لا آه هم اَسمَع ولاوي

بعدهُم نار ما اَشعل ولاوي

اَتم مظلِم لما ایعودون لیه

البیهُم چنت اشد عزمي ولازم

کِلّه اَرمي امشمّع ولازم

روح انشد عليّ هاشم ولازم

یوم الضیج مرکاهن علیّه

X Share

Stumble Upon Delicious Cloob

Digg

تمام حقوق مادی و معنوی این سایت متعلق به شوشان است و استفاده از مطالب با ذکر منبع بلامانع است.

طراحی و تولید: ایران سامانه